Үлкен Алматы көліне баратын жол тағы жабылды
Опубликовано:
Үлкен Алматы көліне баратын жол белгісіз уақытқа тағы жабылды. Бұл туралы "ҚазАвтоЖол" АҚ ресми сайтында хабарлады.
"ҚазАвтоЖол" АҚ -ның баспасөз қызметінің мәліметінше, тәртіп пен тазалықты сақтау мақсатында Р-22 "Алматы-Космостанция" күре жолында (15-34 шақырымдары аралығы) көлік қозғалысына шектеу енгізілді.
Шектеу енгізілген күре жолмен қызметтік міндеттемелерін орындау үшін Ұлттық саябақ қызметінің, шекара заставасының, "Космостанция" ғылыми базасының, сондай-ақ метеорологиялық және гидрологиялық қызметтердің қызметкерлеріне (бекітілген тізімге сәйкес және тек қызметтік автокөлікпен) ғана жүріп өтуге рұқсат.
Қазақпараттың хабарлауынша, Үлкен Алматы көліне баратын жол 2020 - 2023 жылдар аралығында жабық болған. Биыл жол ашылған кезде экологтар Үлкен Алматы көліне баратын жолды қайта жауып, туристерді тек экологиялық көлікпен апаруды ұсынған.
Мақаланың түпнұсқасы: https://kaz.nur.kz/society/2038455-ulken-almaty-koline-baratyn-zol-tagy-zabyldy/
