Ақтөбедегі Президент резиденциясының қонақ үйі балаларға беріледі

Ақтөбедегі Президент резиденциясының қонақ үйі балаларға арналған нысанға айналады. Бұл туралы Хабар 24 арнасы хабарлады.

Телеарна мәліметінше, аумағы 500 шаршы метр болатын ғимарат 2008 жылы салынды. Оның балабақша, лагерь немесе сауықтыру орталығы болатыны әзірге нақтыланбаған.

Ал нысан орналасқан жер және резиденцияның өзі елдегі ірі компанияның меншігінде. Сол себепті қонақ үйге қарайтын учаскесін анықтау үшін әкімдік пен кәсіпорын арасында келіссөздер жүріп жатыр.

"Бүгінгі таңда акционерлік қоғам "КазХроммен" жер бөлу жұмыстары жүргізіліп жатыр. Сол үйге бөлек кіреберіс қарастырылуда. Бөлек тұрған үйдің 500 шаршы метр болса, оның ішінде 40 пайызы балаларға. Олар қонатын болса, онда 25 баладан аспайтын болады. Қалған бөлмелер қызметтік бөлмелер болып саналады", - деді Тимур Рыскелдин, облыс әкімдігінің іс басқармасы басшысының орынбасары.

Мәтіннен қате тапсаңыз, бізге жазыңыз