"Құқығы бар": Асы үстіртіндегі жолға қоршау қойып тастаған

Желіде Асы үстіртіндегі обсерватория маңына қойылған кедергілердің суреттері пайда болды - туристер қазір ол жерге саяхаттауға тыйым салынғанын хабарлады. Kolesa.kz тілшілері жағдайды анықтап көрді.

Туристердің хабарлауынша, бүгінде Асы үстіртіне жету мүмкін емес, өйткені обсерваториядағы жолды қоршап тастаған.

Алдымен басылым тілшілері жағдайды Іле Алатауы ұлттық паркінің қызметкерлерінен анықтап білмек болған. Алайда олар обсерватория аумағы ұлттық паркке қарамайтынын мәлімдеген.

Бұған қатысты пікірді Еңбекшіқазақ ауданы әкімдігінің өкілдері берді. Олардың сөзінше, қоршауды обсерватория қызметкерлері қойған.

"Асы үстіртіндегі обсерватория аумағы 15 гектарды құрайды. Бұл жеке аумақ болғандықтан, оның иелері жекеменшігін қоршауға құқығы бар. Бірақ жалпы қолданыстағы жолдар ашық қалдырылған", - деп хабарлады әкімдіктен.

Мәтіннен қате тапсаңыз, бізге жазыңыз