Тұман, жел, жаңбыр: бүгін елімізде ауа райы қандай болады

Синоптиктер 4 қазан, сәрсенбіге арналған ауа райы болжамын ұсынды, деп хабарлайды "Қазгидромет" РМК ресми сайты.

Метеорологтардың мәліметінше, бүгін Қазақстанның басым бөлігінде антициклон жотасы әсерінен жауын-шашынсыз ауа райы сақталады.

Ал еліміздің батысында, солтүстік-батысында, шығысында атмосфералық фронттардың әсерінен жаңбыр жауады.

Сондай-ақ республика бойынша тұман, елдің солтүстігінде, оңтүстігінде, батысында екпінді жел күтіледі.

Түнде Ақмола облысының оңтүстігінде, шығысында, орталығында, Солтүстік Қазақстан облысының оңтүстік-шығысында 1-3 градус үсік, Қостанай облысының оңтүстік-шығысында топырақ бетінде 1 градус үсік жүруі мүмкін.

Бұдан бөлек, бүгін де Түркістан, Қызылорда облысының орталығында, шығысында, оңтүстігінде, Жамбыл облысында, Атырау облысының оңтүстігінде, шығысында өрт шығу қаупі сақталады.