Алдағы күндері Қазақстанның басым бөлігінде күн жылы болады деп күтілуде

Синоптиктер алдағы күндерге, яғни 5-7 қазанға арналған ауа райы болжамын ұсынды, деп хабарлайды KAZ.NUR.KZ Қазгидромет РМК баспасөз қызметіне сілтеме жасап.

Метеоролгтардың мәліметінше, алдағы күндері Қазақстанның солтүстігі, орталығы мен шығысында күн жылы болып, жауын-шашынсыз ауа райы күтіледі.

Еліміздің солтүстігінде күндізгі уақытта +15...+23 градусқа дейін жылы болса, оңтүстікте термометр бағаны +20...+28 градусты көрсетеді.

Синоптиктер республиканың батысында, оңтүстігінде және оңтүстік-шығысында құбылмалы ауа райы болатынын болжады.

Атап айтқанда, өңірлерде жаңбыр жуып, найзағай ойнап, екпінді жел соғады.

Бұдан бөлек, еліміздің солтүстігінде, орталығында және шығысында түнгі уақытта -1...-3 градусқа дейін үсік болуы ықтимал.

Мәтіннен қате тапсаңыз, бізге жазыңыз