Бүгін еліміздің бірнеше өңірінде найзағай ойнап, жаңбыр жауады деп күтілуде
Жарияланған күні:
Синоптиктер жұма, 6 қазанда ел аумағында ауа райы қандай болатынын болжады, деп хабарлайды "Қазгидромет" РМК ресми сайты.
Метеорологтардың мәліметінше, фронтальды бөліктердің әсерінен бүгін Қазақстанның батысында, солтүстік-батысында, оңтүстігінде, оңтүстік-шығысында найзағай ойнап, жаңбыр жауады.
Еліміздің қалған аймағында антициклон әсерінен жауын-шашынсыз ауа райы сақталады.
Сондай-ақ бүгін республика бойынша тұман, оңтүстікте, оңтүстік-шығыста екпінді жел күтіледі.
Түнде Ақмола облысының орталығында, шығысында топырақ бетінде 3 градус үсік жүруі мүмкін.
Бұдан бөлек, бүгін де Түркістан облысының солтүстігінде, шөлді аудандарында, орталығында, шығысында, оңтүстігінде, Жамбыл, Маңғыстау облыстарында, Атырау облысының оңтүстігінде, шығысында өрт шығу қаупі сақталады.
Мақаланың түпнұсқасы: https://kaz.nur.kz/society/2039802-bugin-elimizdin-birnese-onirinde-naizagai-oinap-zanbyr-zauady-dep-kutilude/
