"Жаңбыр, найзағай, тұман": сенбі елімізде ауа райы қандай болады

Синоптиктер бүгін, 7 қазанға арналған ауа райы болжамын ұсынды, деп хабарлайды KAZ.NUR.KZ "Қазгидромет" РМК ресми сайтына сілтеме жасап.

Метеорологтардың мәліметінше, республиканың басым бөлігінде құбылмалы ауа-райы күтіледі.

Атап айтқанда, еліміздің бірқатар өңірінде найзағай ойнап, жаңбыр жауады. Республика бойынша тұман түсіп, екпінді жел соғып, елдің батысында бұршақ жауады деп күтілуде.

Синоптиктер түнде Ақмола облысының шығысында топырақ бетінде 1 градус үсік болады деп болжады.

Бұдан бөлек Түркістан облысының солтүстігінде, шөлді аудандарында, Қызылорда облысының орталығында, шығысында, оңтүстігінде өрт шығу қаупі сақталады.

Мамандар Жамбыл облысында, Атырау облысының оңтүстігінде, шығысында өрт шығу қаупі жоғары екенін ескертті.