Air Astana Израильде қалған қазақстандықтарға үндеу жасады

Air Astana Израильдегі жағдайға байланысты Тель-Авивке рейстерді тоқтатты. Әуе компания Instagram желісіндегі аккаунтында Израильде қалып қойған қазақстандықтарға үндеу жасады, деп жазады KAZ.NUR.KZ тілшісі.

"Израильдегі жағдайға байланысты Air Astana әуе компаниясының Тель-Авивке рейстері келесі хабарландыруға дейін тоқтатылды. Билеттерді қайтару немесе қайта броньдау үшін авиакомпанияның қолдау орталығына help.airastana.com жүгінуді сұраймыз", - делінген хабарламада.

Израильде қалып қойғандар компания басқа әуе компанияларына жүгінуге кеңес берді.

"Егер сіз Тель-Авивте болсаңыз, басқа әуе компанияларының рейстеріне қайта броньдау үшін әуе компанияға жүгініңіз", - делінген хабарламада.

Сонымен қатар хабарламада Air Astana компаниясының байланыс нөмірлері көрсетілген:

• қолдау орталығы help.airastana.com;
• жедел желі (24/7): +7 (727)244 44 78 (қоңырау үшін) +7 7027020074 (WhatsApp).