Ақтаудағы ерекше "жол белгісі" тұрғындарды таңырқатты
Опубликовано:
Ақтауда шағын аудандардың біріндегі жолда тұрған белгі қалалықтарды таңырқатты. Жағдайға полиция қызметкерлері араласқан, деп хабарлайды Lada.kz.
Басылымның жазуынша, Ақтау тұрғыны жетінші ықшамаудандағы үйлердің біріне қарама-қарсы жол бойында тұрақ белгісін байқаған. Белгіде мүлік агенттігінің клиенттері көліктерін қалдыра алатыны көрсетілгген.
"Мұндай көлік тұрағы қаншалықты заңды?", - дейді жергілікті тұрғын.
Жағдайға полиция қызметкерлері араласты. Тәртіп сақшылары жолдағы темір белгіні алып тастады. Полиция департаменті мұндай жағдайда 102 нөміріне хабарласу керектігін еске салды.
Мақаланың түпнұсқасы: https://kaz.nur.kz/society/2040078-aqtaudagy-erekse-zol-belgisi-turgyndardy-tanyrqatty/
