Алматыда "Асыл Арман" тұрғын үй кешені маңындағы эстакада пайдалануға берілді (фото, видео)

Алматыда "Асыл Арман" тұрғын үй кешені маңындағы эстакада мен жер үсті жаяу жүргіншілер өткелі пайдалануға берілді, деп хабарлайды "ҚазАвтоЖол" АҚ ұлттық компаниясы.

Компанияның мәліметінше, "Алматы-Бішкек" автожолындағы "құбыр" үлгісіндегі жолайрық (18+700 шақырым) пен Райымбек ауылына бұрылыстағы қосымша жаяу жүргіншілер көпірінің (19+860 шақырым) құрылысы толық аяқталған.

Бүгінде нысан пайдалануға берілген. Жер үсті жаяу жүргіншілер өткелі пандус және арнайы платформамен қамтылған.

Сондай-ақ түнгі уақытта пайдаланушылардың қауіпсіздігін қамтамасыз ету үшін нысанда заманауи жарықдиодты шамдар қойылған.

Мәтіннен қате тапсаңыз, бізге жазыңыз