Шымкентте 19 жастағы жігіт жоғалып кетті

Шымкентте 19 жастағы жас жігіт жоғалып кеткен. Полицейлер оны іздестіріп жатыр, деп хабарлайды Polisia.kz.

Ведомствоның хабарлауынша, 15 қазанда Абай АПБ-ға жас жігіттің жоғалып кеткендігі туралы хабарлама келіп түскен.

"Әжесінің айтуынша, 19 жастағы Нұрбол Ермұхамбет 13 қазанда түнгі сағат 00:30 шамасында үйден шығып белгісіз бағытта кетіп, оралмаған", - делінген ведомствоның хабарламасында.

Жас жігіттің жүрген жерін анықтауға Шымкент қаласы полиция департаментінің барлық жеке құрамы жұмылдырылды.

"Белгілері: бойы шамамен 175-180 см, орта денелі, шашы, көзі қара түсті, үстінде қою көк түсті спортивка, қара красовка және қара түсті күртеше болған", - делінген хабарламада.

Ведомствода жоғалған жігіттің қайда екендігі туралы ақпараттан хабардар болған жағдайда “102” нөміріне хабарласуды сұрайды.

Мәтіннен қате тапсаңыз, бізге жазыңыз