Сенбіде Қазақстан бойынша жел күшейіп, солтүстікте көктайғақ болуы мүмкін

Синоптиктер сенбі, 4 қарашада Қазақстанда ауа райы қандай болатынын болжады, деп хабарлайды KAZ.NUR.KZ "Қазгидромет" РМК сайтына сілтеме жасап.

Метеорологтардың мәліметіне сүйенсек, бүгін республиканың басым бөлігінде жауын-шашынсыз, күн ашық болады.

Еліміздің солтүстігінде атмосфералық фронттардың әсерінен құбылмалы ауа райы сақталады. Солтүстікте кей жерлерде жаңбыр, қар жуып, көктайғақ болуы мүмкін.

Сондай-ақ бүгін республика бойынша тұман, желдің күшеюі күтіледі.

Бұдан бөлек, OpenWeather порталының синоптиктері 4 қарашада еліміздің ірі қалаларында ауа райы қандай болатынын болжады.

Синоптиктердің болжамынша, бүгін Алматыда күн ашық болады. Күндіз ауа температурасы 14 градусқа дейін көтеріліп, түнде -1 градусқа дейін төмендейді. Желдің жылдамдығы – 1,7 м/с.

Астанада күн ала бұлтты болады. Күндіз ауа температурасы 11 градусқа дейін көтеріліп, түнде 1 градусқа дейін төмендейді. Желдің жылдамдығы – 6,8 м/с.

Шымкентте бүгін күн ақша бұлтты болады деп күтілуде. Десе де күндіз термометр бағаны 20 градусқа дейін көтеріліп, түнде 5 градусқа дейін төмендеуі ықтимал. Желдің жылдамдығы 2,2 м/с деңгейінде болмақ.