Дінмұхаммед Қонаевтың жеке хатшысы болған Зинаида Жукова дүниеден озды

Дінмұхамед Қонаевтың жеке хатшысы болып 20 жылдан астам қызмет еткен Зинаида Жукова дүниеден озды, деп хабарлайды KAZ.NUR.KZ Қонаев музейінің Instagram-дағы ресми парақшасына сілтеме жасап.

"Д.А.Қонаев музей ұжымы Дінмұхаммед Ахметұлының 1964-1986 жылдар аралығында жеке хатшысы болған Жукова Зинаида Петровнаның (26.03.1924-04.11.2023) жүз жасқа таяған шағында 4 қараша күні дүниеден озғаны жайында қайғыра хабарлайды", - делінген музей хабарламасында.

Қонаев музейінің ұжымы Зинаида Жукова туған-туыстарына көңіл айтты.

Айта кетейік, белгілі саясаткерге арналған ресми сайттың мәліметіне сүйенсек, Дінмұхамед Қонаев – аса көрнекті мемлекет және қоғам қайраткері, академик, үш мәрте Социалистік Еңбек Ері.

Дінмұхамед Қонаев 44 жылдан астам Қазақстанның жоғарғы басшылығында қызмет етті. Ол 24 жыл бойы ел басқарса, 20 жылдан астам уақыт СОКП Орталық Комитеті саяси бюросының мүшесі болды.

Дінмұхамед Қонаев 1964-1986 жылдар аралығында Қазақ КСР басшысы болды.