Жаңбыр, қар, 18 градус жылы: алдағы күндері ел аумағында ауа райы қандай болады

Синоптиктер алдағы үш күнге, яғни 11-13 қарашаға арналған ауа райы болжамын ұсынды. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Метеорологтардың болжамынша, алдағы күндері Қазақстанның басым бөлігінде жауын-шашынды, дегенмен қараша айы үшін жылы ауа райы күтіледі. Сонымен қатар түнгі уақытта жаңбыр мен қар түрінде, күндізгі уақытта негізінен жаңбыр жауады деп болжанады.

11 қарашада солтүстік-батыста, 12 қарашада оңтүстікте, 13 қарашада оңтүстік-шығыста қатты жаңбыр жаууы ықтимал.

Ал оңтүстік және оңтүстік-шығыстың таулы аймақтарында қатты жауын-шашын (жаңбыр мен қар түрінде) күтіледі.

12 қарашадан бастап жауын-шашын тоқтап, күндіз ауа температурасы +8...+18 градусқа дейін жоғарылайды деп болжануда. Республика бойынша жел күшейеді, түнгі және таңертеңгі уақытта тұман түсуі мүмкін.

Мәтіннен қате тапсаңыз, бізге жазыңыз