Бүгін еліміздің ірі қалаларында ауа райы қандай болады

Бүгін, қарашаның 11-і Қазақстанның ірі қалаларында күн ашық, көшпелі бұлтты болады әрі тұман күтіледі. Бұл туралы "Қазгидромет" РМК ресми сайтында хабарлады.

Синоптиктердің болжауынша, 10 қараша күні Астанада күндіз көшпелі бұлтты, жауын-шашынсыз. Ауа температурасы +7...+9 градусқа жетеді. Түнде болса тұман көтеріліп, ауа температурасы 0...-2 градусқа дейін төмендейді. Желдің жылдамдығы күндіз 7-12 м/с.

Алматыда да бүгін күн көшпелі бұлтты, жауын-шашынсыз болады. Синоптиктер оңтүстік астанада күндіз ауа температурасы +11...+13 градусқа дейін суытатынын айтады, түнде болса 0...+2 градусқа дейін төмендеуі ықтимал. Желдің жылдамдығы 3-8 м/с құрайды.

Шымкент қаласында күндіз көшпелі бұлтты болады әрі түске қарай жаңбыр жауады. Ауа температурасы +16...+18 градусқа жетеді. Ал түнде жауын-шашын болмауы мүмкін. Ауа температурасы +3...+5 градусқа дейін төмендейді. Желдің жылдамдығы 8-13 м/с құрайды, екпіні 15-20 м/с жетеді.