Сәрсенбіде еліміздің ірі қалаларында ауа райы қандай болады

Бүгін, қарашаның 15-і Қазақстанның ірі қалаларында көшпелі бұлтты болады әрі жаңбыр жаумайды. Бұл туралы "Қазгидромет" РМК ресми сайтында хабарлады.

Синоптиктердің болжамына қарағанда, қарашаның 15-і Астанада көшпелі бұлтты, жауын-шашынсыз. Күндіз ауа температурасы +5...+7 градусқа жетеді. Түнде болса ауа температурасы 0...+2 градусқа дейін төмендейді. Желдің жылдамдығы күндіз 9-14 м/с.

Алматыда да бүгін күн көшпелі бұлтты, жауын-шашынсыз болады. Синоптиктердің мәліметі бойынша оңтүстік астанада күндіз ауа температурасы +13...+15 градус болады, түнде 0...+2 градусқа дейін суытуы ықтимал. Желдің жылдамдығы 2-7 м/с болады.

Шымкент қаласында да көшпелі бұлтты әрі жауын-шашын болмайды. Күндіз ауа температурасы +18...+20 градусқа жетеді, ал +2...+4 градусқа дейін күрт төмендейді. Желдің жылдамдығы 5-10 м/с.