"2 миллиард теңге шығын": Павлодар облысында Қызыл кітапқа енген киік мүйіздері табылды

Павлодар облысының тұрғынынан құны 2 млрд теңге болатын киік мүйіздері табылды, деп хабарлайды KAZ.NUR.KZ тілшісі Polisia.kz сайтына сілтеме жасап.

Мүйіздерді облыстық ПД-ның ҰҚҚКБ мен ҰҚКД қызметкерлері тәркілеген. Ақсу қаласының 49 жастағы тұрғынының гаражын тінту кезінде киік мүйіздері сақталған 8 жәшік табылыпты. Жалпы салмағы 170 келіге жуық болатын Қызыл кітапқа енген жануардың 800-ге жуық мүйізі тәркіленді.

Қоймасынан осы мүйіздер табылған ұрғын ұсталды.

"Осы факт бойынша Қылмыстық кодекстің 339-бабының 1-1-бөлігі бойынша сотқа дейінгі тергеу басталды. Күдіктіге қатысты келу туралы міндеттеме түріндегі бұлтартпау шарасы таңдалды. Бірқатар сараптама тағайындалды, соның ішінде биологиялық және трассологиялық", - деді Павлодар облысы ПД бастығы Василий Скляр.

Мәтіннен қате тапсаңыз, бізге жазыңыз