Алдағы күндері елімізде күн суытуы мүмкін

Синоптиктер 18-20 қарашаға арналған ауа райы болжамын ұсынды. Мамандардың болжамынша, алдағы күндері елдің басым бөлігінде жауын-шашын күтіледі, деп жазады KAZ.NUR.KZ "Қазгидромет" РМК баспасөз қызметіне сілтеме жасап.

Метеорологтардың мәліметінше, 18 қарашада солтүстік-батыста, солтүстікте, 19 қарашада еліміздің шығысында қатты жауын-шашын күтіледі, оның арты қарға ұласуы мүмкін.

19-20 қарашада еліміздің оңтүстігінде, оңтүстік-шығысында жаңбыр мен қар түрінде қатты жауын-шашын болады.

Республиканың солтүстік-батысында, солтүстігінде көктайғақ, бұрқасын күтіледі. Одан бөлек, Қазақстанның басым бөлігінде температурасы күрт төмендеуіне мүмкін.

Мәселен, солтүстік-батыста түнде -3...-13 градусқа дейін, күндіз -7...+5 градус, солтүстікте, орталықта, шығысында түнде -8...-16 градусқа дейін, күндіз -2...-10 аязға дейін төмендейді деп күтілуде.

Температураның төмендеуі оңтүстік аймақтарға да әсер етеді. Мұнда түнгі уақытта -3 градусқа дейін, оңтүстік-шығыста түнде -6 градусқа дейін аяз болады деп күтілуде.

Республика бойынша жел күшейіп, екпіні 15-29 м/с жетуі ықтимал. Ал солтүстік-батыс, солтүстік аймақтарда екпіні 30 м/с және одан да жоғары болады деп болжанады. Сонымен қатар Қазақстан бойынша тұман түсуі мүмкін.