Top.Mail.Ru

Сайт нұсқасы

ru kz

Зектілері

Алматы облыстық ТЖД тұрғындарға үндеу жасады

Опубликовано:

тау
Тау. Көрнекі фото: pixabay.com

Алматы облысының Төтенше жағдайлар департаменті өңірде қар көшкіні жүру қаупі бар екенін ескертті. Cол себепті, тұрғындарды қарлы беткейлерге шықпауға шақырды, деп хабарлайды KAZ.NUR.KZ.

Алматы облысының Төтенше жағдайлар департаменті Telegram-дағы ресми арнасында Алматы облысының тауларында 21-23 қараша аралығында көшкін қаупі сақталады деп ескертті.

ТЖД азаматтардан, туристерден және демалушылардан қар көшкінін тудыруы мүмкін болғандықтан қарлы беткейлерге шықпауды, сондай-ақ таулы жерлерде барлық қауіпсіздік пен мінез-құлық шараларын сақтауды сұрайды.

"Алматы облысының аумағында Іле-Алатау тауларының оңтүстік беткейінде Еңбекшіқазақ, Талғар және Қарасай аудандарындағы 55 учаскеде көшкін қаупі бар", - делінген хабарламада.

Ведомство қар көшкінінің түсуі температура фонының жоғарылауына және жаңбыр мен қар түрінде мол жауын-шашынның түсуіне байланысты болатынын еске салды.

Мақаланың түпнұсқасы: https://kaz.nur.kz/society/2046629-almaty-oblystyq-tzd-turgyndarga-undeu-zasady/