Астанадан шығатын барлық бағыт бойынша жолдар жабылды

Ауа райының нашарлауына байланысты Астанадан шығатын барлық бағыт бойынша жол қозғалысы шектелді, деп хабарлайды QazAvtoJol Telegram-дағы ресми арнасында.

"Елорда сыртындағы барлық бағыт бойынша жол қозғалысы шектелді. Жол қызметтері күшейтілген режимде жұмыс істеп жатыр", - делінген хабарламада.

Айта кетейік, бүгін республиканың ірі қалаларында жаңбыр жауатыны хабарланған еді.

Синоптиктер алдағы күндері елімізде қатты дауыл тұрып, ауа температурасы 15 градусқа дейін төмендеп, аяз болуы мүмкін екенін болжады.

Сонымен қатар мамандар биыл қыс осыдан 22 жыл бұрынғыдай болатынын айтты.

Мәтіннен қате тапсаңыз, бізге жазыңыз