"Үйге қайта оралмаған": Ақтөбеде 8-сынып оқушысы іздестірілуде (фото)
Опубликовано:
![Көшеде кетіп бара жатқан жасөспірім Көшеде кетіп бара жатқан жасөспірім](https://cdn.nur.kz/images/1120x630/8a6a9268ad1159cb.jpeg)
Ақтөбеде жоғалып кеткен 15 жастағы жасөспірім іздестіріліп жатыр, деп хабарлайды Telegram-дағы ІІМ ресми жаңалықтар арнасы.
Ведомство мәліметінше, 2008 жылы туған ақтөбелік Иов Антон Алексеевич 27 қарашада сағат 15:00-де үйден шығып кетіп, қайта оралмаған.
Жасөспірімнің белгілері: дене бітімі арық, бойы 160-165 см, көзі көк.
Үйден шығарда үстінде қара түсті бас киім, қоңыр күрте, қою көк түсті шалбар, сондай-ақ қара рюкзак болған.
8-сынып оқушысын іздеуге полицейлер, Ұлттық ұланның әскери қызметшілері әрі Zello-poisk еріктілері жұмылдырылған.
Полиция өкілдері жоғалған жасөспірімге қатысты қандай да бір ақпарат білсеңіз, "102" немесе 8771-785-1058 нөміріне хабарласуды сұрайды.
![Иов Антон Алексеевич Иов Антон Алексеевич](https://cdn.nur.kz/images/1120/1c42f05f1c27582a.jpeg)
Мақаланың түпнұсқасы: https://kaz.nur.kz/society/2048174-aqtobede-8-synyp-oqusysy-izdestirilude-foto/