Досаев Алматыда қайғылы жағдай болған хостелге келді

Қайғылы жағдай болған жерге Алматы әкімі Ерболат Досаев келді. Бүгін Шәріпов көшесіндегі хостелде өрт шығып, 13 адам қаза тапқан еді, деп хабарлайды KAZ.NUR.KZ тілшісі.

Оқиға орнына Алмалы ауданының әкімі Айдар Жәкібаев пен қалалық Төтенше жағдайлар департаментінің басшысы Нұрлан Атығаев келді.

Алматыға Төтенше жағдайлар министрі Сырым Шәріпханов та ұшып келеді.

Төтенше жағдай орнында тілшіміз де жүр. Полицейлер өрт болған ғимаратты қоршауға алды. Оқиға болған жерде өрт сөндірушілер мен жедел жәрдем көліктері тұр.

Айта кетейік, 30 қарашада сағат 05:33-те Алматы қаласы Ади Шәріпов көшесіндегі жатақханадан өрт шығып, салдарынан 13 адам қаза болды.

Қалалық Денсаулық сақтау басқармасының баспасөз қызметі 2 адамның Алматы қалалық жедел шұғыл көмек көрсету ауруханасына жеткізілгенін мәлімдеген еді.

Мәтіннен қате тапсаңыз, бізге жазыңыз