"Қар, жел": қыстың алғашқы күнінде еліміздің ірі қалаларында ауа райы қандай болады

Синоптиктер Астана, Алматы мен Шымкентте 1 желтоқсанда ауа райы қандай болатынын болжады. Ауа райы болжамын OpenWeather порталы жария етті, деп хабарлайды KAZ.NUR.KZ.

Метеорологтардың мәліметінше, бүгін Алматыда күн ала бұлтты болады. Күндіз ауа температурасы 6 градусқа дейін көтеріліп, түнде 2 градусқа дейін төмендейді. Желдің жылдамдығы – 1,8 м/с.

Астанада қар жауады деп күтілуде. Күндіз ауа температурасы -2 градусқа дейін жетіп, түнде -3 градусқа дейін төмендейді. Желдің жылдамдығы – 9,0 м/с.

Шымкентте бүгін күн ашық болады. Күндіз термометр бағаны 12 градусқа дейін жетіп, түнде 4 градусқа дейін төмендейді. Желдің жылдамдығы 1,8 м/с деңгейінде болмақ.