"Электр қуаты өшсе де жүре алады": Алматыда 17 жаңа троллейбус жолға шықты (фото, видео)

Алматыда тағы 17 жаңа троллейбус жолға шықты, деп хабарлайды қала әкімдігінің өкілдері ведомствоның Telegram-дағы ресми арнасында.

Бүгінде қалаға 55 троллейбус жеткізілген, оның 19-ы №1, №9, №12, №5, №11, №25, №7, №19, №6 маршруттарына қосылып отыр. Көрсетілген бағыттар бойынша тағы 17 жаңа троллейбус жолға шыққан.

Сондай-ақ әкімдік өкілдерінің мәліметінше, техникалық дайындықтан өткен жаңа троллейбустар жолаушылар тасымалына шығады, соның нәтижесінде барлық 9 бағыт бойынша 60 пайыз жаңа троллейбус жолға шығады.

"Ал бұған дейін Алматының №1 троллейбус паркі Yutong ZK6128BEVG моделіндегі 12 метрлік төмен еденді троллейбустардың бірінші партиясын алғанын хабарлаған едік. Жылжымалы құрам Алматы әкімі Ерболат Досаевтың тапсырмасымен соңғы 11 жылда алғаш рет жаңартылып жатыр", - дейді әкімдіктегілер.

Жаңа "Ютонгтар" жолаушылардың жайлы әрі қауіпсіз қозғалысы үшін барлық қажетті құрылғымен жабдықталған, электр қуаты өшіп қалса да, батареямен жүре алады.

Мәтіннен қате тапсаңыз, бізге жазыңыз