Top.Mail.Ru

Сайт нұсқасы

ru kz

Зектілері

"Терезені сындырып, қашып кеткен": Ақтөбе облысында кәмелетке толмаған үш қыз іздестіріліп жатыр

Опубликовано:

Қыз балалардың аяқтары
Орындықта отырған қыз балалар. Көрнекі сурет: pixabay.com

Ақтөбе облысындағы "Аяла" кәмелетке толмағандарды бейімдеу орталығының үш тәрбиеленушісі терезені сындырып қашып кеткен. Бойжеткендер іздестіріліп жатыр, деп хабарлайды KAZ.NUR.KZ облыстық ПД-ның Instagram-дағы ресми парақшасына сілтеме жасап.

ПД мәліметінше, 8 желтоқсанда полицияға "Аяла" кәмелетке толмағандарды бейімдеу орталығы тәрбиешісінің көмекшісі хабарласып, сағат 23:00 шамасында орталықтың үш тәрбиеленушісі терезені сындырып қашып кеткенін хабарлады.

"Олар Мырзакенова Манар Абайқызы - 05.06.2006 ж.т. Бойы 160 см, дене бітімі орташа, шашы қара.

Тезекбаева Амина Иманқұлқызы - 14.03.2006 ж.т. Бойы 165 см, дене бітімі арық. Шашы қоңыр. Сол жақ иықта меңі бар.

Дошонова Жұлдызай Мұратбекқызы - 01.10.2006 жылы туған. Сұры түсті спорттық киім киген", - деп жазылған хабарламада.

Ведомство іздеуге полицияның кешенді күштерінің нарядтары, еріктілер бағытталғанын мәлім етті.

"Кәмелетке толмағандардың орналасқан жері туралы ақпараты бар барлық азаматтардан “102” немесе 8 771 785 1058 телефондарына қоңырау шалуды сұраймыз", - деді ПД өкілдері.

Мақаланың түпнұсқасы: https://kaz.nur.kz/society/2050034-terezeni-syndyryp-qasyp-ketken-aqtobe-oblysynda-kameletke-tolmagan-us-qyz-izdestirilip-zatyr/