Каспийде жылы жаққа әлі ұшпаған қоқиқаздар видеоға түсірілді

Каспийде биыл қоқиқаздар жылы жаққа әлі ұшып кетпеген. Алқызыл қоқиқаздар түсірілген видеоны блогер Азамат Сәрсенбаев жариялады, деп хабарлайды KAZ.NUR.KZ тілшісі.

Блогер Азамат Сәрсенбаев өзінің Instagram-парақшасында фламинголар түсірілген видеоны жариялады.

"Маңғыстау. Биыл қоқиқаздар ұшу уақытынан сәл кешігіп қалды, олардың желтоқсанға дейін бізде болғанын ешқашан көрген емеспін, бұл өте кеш уақыт", - деп жазды ол жарияланымдарының бірінде.