Top.Mail.Ru

Сайт нұсқасы

ru kz

Зектілері

Қазақстанда 45 градус аяз болады: синоптиктер ескерту жасады

Опубликовано:

Қыс. Көрнекі сурет
Қыс. Көрнекі сурет. Фото: Karl-Josef Hildenbrand/Getty Images)

Қазақстанның кейбір өңірінде дүйсенбіде ауа температурасы 40-45 градусқа дейін төмендейді. Синоптиктер ауа райының қолайсыздығына байланысты ескерту жариялады, деп хабарлайды NUR.KZ тілшісі "Қазгидромет" РМК-ға сілтеме жасап.

Ертең, 11 желтоқсанда, синоптиктердің мәліметінше, Маңғыстау облысында көктайғақ, боран, сондай-ақ жел екпіні 15-20 м/с дейін болады деп күтіледі.

Ал Атырау облысында синоптиктер екпіні 15-20 м/с жел болады деп болжайды, Солтүстік Қазақстан облысында да жел екпіні 15-20 м/с дейін болады деп күтіледі. Түнде облыстың басым бөлігінде қатты аяз күтіледі - 40-41 градусқа дейін.

Жетісу облысында синоптиктер қалың қар жауады дейді. Облыстың таулы аймақтарында тұман күтіледі. Алакөл көлдері ауданындағы күндіз жел екпіні 15-20 м/с дейін болуы мүмкін.

Ақмола және Қызылорда облыстарында қарлы боран мен қатты жел болатыны болжанған. Ақтөбе облысында екпіні 16 м/с дейін жел соғады деп күтіледі.

Алматы облысының таулы аудандарында кейде тұман, көктайғақ күтіледі.

Ертең Алматыда да тұман түседі.

Түркістан облысының кей жерінде синоптиктер қатты жауын-шашын (жаңбыр, қар), көктайғақ болады деп болжайды, кей жерде боран, қатты жел мен тұман күтіледі.

Қостанай облысында тұман, сондай-ақ жел екпіні 15-20 м/с дейін болады деп күтіледі.

11 желтоқсанда түнде Солтүстік Қазақстан облысында қатты аяз болады – минус 45 градусқа дейін.

Мақаланың түпнұсқасы: https://kaz.nur.kz/society/2050112-qazaqstanda-45-gradus-ayaz-bolady-sinoptikter-eskertu-zasady/