"Рейстер кешігуі не тоқтауы мүмкін": әуекомпаниялар аязға байланысты үндеу жасады
Жарияланған күні:
Қазақстандық әуекомпаниялар еліміздің бірқатар қаласында қолайсыз ауа райына байланысты рейстер кешігуі не тоқтатылуы мүмкін екенін ескертті, деп хабарлайды KAZ.NUR.KZ
"Әуекомпания еліміз бойынша метеорологиялық жағдайдың нашарлауына байланысты рейстер кешіктірілуі мүмкін екенін хабарлайды. Рейс статусын әуекомпания сайтында тексеріп отыруыңызды сұраймыз", - делінген Air Astana Instagram парақшасында жарияланған хабарламасында.
SCAT әуе компаниясы да Instagram парақшасында ауа райына байланысты хабарлама таратқан.
"Қазақстанның бірқатар қаласында қолайсыз метеожағдайларға байланысты рейстер кешігуі және тоқтатылуы мүмкін. Рейстің статусын SMS арқылы немесе SCAT.KZ веб-сайтында тексеріңіз.
Сондай-ақ мұздануға қарсы сұйықтық құю кезегін күтуге байланысты ұшу кешіктірілуі де мүмкін", - делінген әуе компания баспасөз қызметі хабарламасында.
SCAT әуе компаниясы өкілдері қандай да бір сұрақ туындаған жағдайда +7 (725) 299-88-80 нөмірі бойынша клиенттерді қолдау орталығына қоңырау шалуды сұрайды. Әуе компаниясы өкілдері қолдау орталығы тәулік бойы жұмыс істейтінін атап өтті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2050494-reister-kesigui-ne-toqtatyluy-mumkin-ayazdy-bailanysty-aue-kompaniyalary-undeu-zasady/