Астанада аяз: елордада қала маңына қатынайтын автобустар уақытша тоқтады

Сәрсенбі, 13 желтоқсанда Астанада ауа райының қолайсыздығына байланысты қала маңына қатынайтын бірнеше бағыттағы маршруттар уақытша жұмысын тоқтатады. Бұл туралы KAZ.NUR.KZ "City Transportation Systems" ЖШС-ның Instagram-дағы ресми парақшасына сілтеме жасап хабарлайды

"City Transportation Systems" ЖШС мәліметінше, ауа-райының нашарлауына байланысты қала маңына қатынайтын №300, 305, 308, 309, 310, 312, 315, 316, 317, 327 ,328 ,329 бағдарларының қозғалысы уақытша тоқтатылды.

CTS өкілдерінің сөзінше, қала маңына қатынайтын басқа бағдарлар жұмыс істеп жатыр.

Айта кетейік, Астана әкімдігі елордада осы аптада үскірік аяз болуына байланысты тұрғындарға үндеу жасаған болатын.