Жамбыл облысындағы ауа райына байланысты кей жолаушылар пойызы кешігіп жатыр

Жамбыл облысындағы ауа-райына байланысты кей жолаушылар пойызы қозғалыс кестесінен едәуір артта қалып отыр, деп хабарлайды ҚТЖ Telegram-дағы ресми арнасында.

"Учаске бойынша пойыздардың белгіленген қозғалыс кестесін қалпына келтіру біртіндеп жүргізілетін болады. Туындаған жағдайға түсіністікпен қарауды сұраймыз", - деп хабарлады "Жолаушылар тасымалы" АҚ баспасөз қызметі.

Компания өкілдері жолаушылар "1433" тегін нөмірі және "KTZH_PP_BOT" Telegram-боты арқылы жолаушылар пойыздарының кешігуі және тоқтатылуы туралы ақпарат ала алатынын мәлімдеді.

Айта кетейік, Жамбыл облысында көлік полицейлері қолайсыз ауа райы кезінде жолда қалған 500-ден астам жолаушыға сапарынан қалмай, пойызына мінуге көмектескенін жаздық.

Сонымен қатар бүгін, 15 желтоқсанда Жамбыл облысында табиғи сипаттағы ТЖ жарияланып, республикалық маңызы бар автожолдар жабылған болатын.