Алматыда Тәуелсіздік монументіне гүл шоғы қойылды

Опубликовано:16 желтоқсан 2023, 15:57

Ерболат Досаев Тәуелсіздік монументіне гүл қоюда. Фото: Алматы әкімдігінің баспасөз қызметі

Алматы әкімі Ерболат Досаев бастаған қала тұрғындары Тәуелсіздік монументіне гүл шоқтарын қойды, деп хабарлайды KAZ.NUR.KZ қала әкімдігінің баспасөз қызметіне сілтеме жасап.

Ерболат Досаев Тәуелсіздіктің 32 жылдығына орай "Тәуелсіздік" монументіне салтанатты түрде гүл шоғын қоюға қатысты.

Ерболат Досаев салтанатты жиында. Фото: Алматы әкімдігінің баспасөз қызметі

Гүл қою рәсімі басталмас бұрын азаттық жолында құрбан болған азаматтарды еске алу үшін бір минут үнсіздік жарияланды.

Тәуелсіздік монументіне гүл қою рәсімі. Фото: Алматы әкімдігінің баспасөз қызметі

Содан кейін қала әкімі бастап Ауған соғысы мен Қазақстан Қарулы күштерінің ардагерлері, саяси партиялар мен қоғамдық ұйымдардың өкілдері, Желтоқсан көтерілісіне қатысушылар және Алматы қаласы жастарының ұйымдары кезекпен Тәуелсіздік монументіне гүл шоқтарын қойып, тағзым етті.

Салтанатты рәсім Алматы өңірлік гарнизонының әскери-үрмелі оркестрі мен сарбаздарының мемлекеттік әнұранды орындауымен аяқталды.

Мәтіннен қате тапсаңыз, бізге жазыңыз