Жамбыл облысында ауа райы нашарлауына байланысты "Ақтөбе-Алматы-1" пойызы қатынамайтын болды

Жамбыл облысындағы төтенше жағдайға байланысты №34/33 пойызы 1 рейске уақытша тоқтатылады, деп хабарлайды KAZ.NUR.KZ "ҚТЖ" баспасөз қызметіне сілтеме жасап.

"Осыған байланысты №34/33 Ақтөбе-Алматы-1 жедел пойызы а.ж. 17 желтоқсанда Ақтөбеден жөнелтіліп, Алматыға а.ж. 18 желтоқсанда келетін және Алматыдан а.ж. 18 желтоқсанда жөнелтіліп, Ақтөбеге 20 желтоқсанда келетін пойыз 1 рейске уақытша тоқтатылады. Жоғарыда көрсетілген бағытқа билет сатып алған жолаушыларға 100% мөлшерде ақшалай қаражат қайтарылады", - делінген ресми хабарламада.

Қосымша ақпарат "1433" тегін нөміріне және "KTZH_PP_BOT" бот жеделхатынан алуға болады.

Естеріңізге сала кетейік, Жамбыл облысының Қордай және Шу аудандарының аумағында қатты жел мен аяздың салдарынан 14 желтоқсанда жергілікті ауқымдағы табиғи сипаттағы төтенше жағдай жарияланған еді.