Top.Mail.Ru

Сайт нұсқасы

ru kz

Зектілері

Сот Қайрат Сатыбалдыны шартты түрде мерзімінен бұрын босатудан бас тартты

Опубликовано:

Қайрат Сатыбалды
Қайрат Сатыбалдыұлы. Фото: ethnosport.kz

Қайрат Сатыбалдының шартты түрде мерзімінен бұрын бостандыққа шығу туралы арызы қанағаттандырылмады. Бұл туралы Шығыс Қазақстан облыстық сотының баспасөз қызметі мәлімдеді, деп хабарлайды Sputnik Қазақстан.

"Сотталған Қайрат Сатыбалдының жазаны шартты түрде мерзімінен бұрын босатуға ауыстыру туралы өтініші қанағаттандырылмады", - деп хабарлады Шығыс Қазақстан облыстық сотының баспасөз қызметі.

Сот Қайрат Сатыбалдының тәртіп бұзушылығы барын, әзірге іс-әрекеті тұрақсыз екенін алға тартты.

Айта кетейік, былтыр қыркүйекте Қайрат Сатыбалдыұлы 6 жылға бас бостандығынан айырылған еді. Сот Қайрат Сатыбалдыұлына мүлкін тәркілей отырып, сонымен бірге мемлекеттік қызметте, Ұлттық банкте, Ұлттық компанияларда және басқа да мекемелерде 10 жыл бойы лауазымды қызмет атқару құқығынан айыра отырып, 6 жылға бас бостандығынан айыру түріндегі жаза тағайындады.

Еске сала кетсек, Қайрат Сатыбалдыұлы 2022 жылдың наурыз айында ұсталған. Кәсіпкер лауазымдық өкілеттіктерін асыра пайдалану және аса ірі көлемде "Қазақтелеком" акционерлік қоғамының қаражатын жымқыру фактісі бойынша айыпталған болатын.

Мақаланың түпнұсқасы: https://kaz.nur.kz/society/2051461-sot-qairat-satybaldyny-sartty-turde-merziminen-buryn-bosatudan-bas-tartty/