"Қар, бұрқасын, жауын-шашын": алдағы үш күнде елімізде ауа райы қандай болады

Синоптиктер алдағы үш күнге, 21-23 желтоқсанға арналған ауа райы болжамын ұсынды. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Метеорологтардың мәліметінше, алдағы күндері республиканың солтүстік және шығыс бөлігінде, сондай-ақ орталығында атмосфералық фронттардың әсерінен түнде қалың қар, күндіз жауын-шашын (қар, жаңбыр) күтіледі.

23 желтоқсанда Атлантикалық циклонның әсерінен Қазақстанның батысы мен оңтүстік-батысында жауын-шашын (жаңбыр, қар) түсуі ықтимал.

Сонымен қатар алдағы тәуліктерде республика бойынша көктайғақ, бұрқасын, тұман болып, жел 25 м/с-қа дейін күшеюі мүмкін.

Мамандардың болжамынша, дегенмен ауа температурасында күрт өзгерістер болмайды.

Мәтіннен қате тапсаңыз, бізге жазыңыз