Оқушылар қысқы каникулда қанша күн демалатыны белгілі болды

Қазақстандық оқушылар қысқы демалыста 10 күн демалады. Бұл туралы KAZ.NUR.KZ тілшісі оқу-ағарту министрлігінің Telegram-дағы ресми арнасына сілтеме жасап хабарлайды.

"Қазақстандық мектептерде екінші тоқсан аяқталуда. Қысқы демалыс 2023 жылғы 29 желтоқсаннан 2024 жылғы 7 қаңтарын қоса алғанда 10 күнге созылады", - делінген хабарламада.

Оқу-ағарту министрлігі мектеп оқушыларының қысқы демалысын және бос уақытын тиімді, әрі тұлғалық дамыту мақсатында мектепішілік қысқы каникул іс-шараларының жоспарын әзірлеуде "Біртұтас тәрбие бағдарламасын" негізге алуды ұсынады.

Мектепішілік іс-шара жоспарына:

• ғылыми жоба жұмыстары мазмұны туралы ақпараттық-танымдық сабақтар ұйымдастыруда жоғары сынып оқушылары мен ата-аналар бірлесе ЖОО-ның оқытушыларымен кездесу, ғылыми жоба туралы сұхбат жүргізу;
• "Балалар кітапханасы" жобасы аясында "Үнемі оқитын адам – табысты адам" тақырыбында оқырмандармен кездесу, оқыған кітаптары туралы талқылау;
• "Ұлттық мектеп лигасы" жобасы негізінде білім алушылардың денсаулығы мен әл-ауқатын нығайтуда білім ұйымдарымен бірлесе "Ұлттық ойын – ұлт қазынасы" спорттық ойындар өткізу;
• "Оқуға құштар мектеп" жобасын іске асыру мақсатында "Мен оқыған бір ертегі", "Парасаттылық туралы" тақырыптарында білім алушылармен әңгімелесу;
• "Ата-аналар мектеб" жобасын орындауда "Қыз намысы – ұлт намысы", "Әкеңнің төріне сенбе, еткен еңбегіне сен", "Отбасылық таланттар" тақырыптарында ата-аналар жиналыстарын өткізу;
• Құқықтық сауаттылық пен құқықтық мәдениетті қалыптастыру бойынша іс-шаралар ұйымдастыру ұсынылады.

Ведомство өкілдері аталған іс-шаралар білім беру ұйымдарына әдістемелік ұсыным ретінде жіберілетінін атап өтті.

Мәтіннен қате тапсаңыз, бізге жазыңыз