Жаңбыр, қар, боран: алдағы демалыс күндері ауа райы қандай болады

"Қазгидромет" РМК мамандары алдағы демалыс күндері, 23-25 желтоқсан аралығында ауа райы қандай болатынын болжады. Бұл туралы KAZ.NUR.KZ тілшісі хабарлайды.

Синоптиктердің болжамына қарағанда, 24 желтоқсаннан бастап еліміздің басым бөлігінде жауын шашын болады.

Ал ертеңнен бастап Қазақстан аумағына ылғалдың үлкен қоры бар Атлантикалық циклон жырасы әсер етеді.

"Алдымен ол республиканың батыс аймақтарына әсер етеді, ал 24 желтоқсаннан бастап еліміздің басым бөлігінде жаңбыр, қар, тұман, көктайғақ, солтүстік аймақтарда бұрқасын мен желдің күшеюі күтіледі", - делінген мамандардың болжамында.

Демалыс күндері тек еліміздің шығысы мен оңтүстік-шығысында жауын-шашынсыз ауа райы күтіледі. Температуралық фонда айтарлықтай өзгерістер жоғы айтылады.

Мәтіннен қате тапсаңыз, бізге жазыңыз