"Қар аралас жаңбыр, көктайғақ, жел": алдағы үш күнде елімізде ауа райы қандай болады

Синоптиктер алдағы үш күнге, 26-28 желтоқсанға ауа райы болжамын ұсынды, деп хабарлайды "Қазгидромет" РМК баспасөз қызметі.

Метеорологтардың мәліметінше, циклонның белсенділігі Қазақстанның барлық аумағына әсер етеді.

Осыған байланысты алдағы күндері жауын-шашын (қар аралас жаңбыр) және көктайғақ болады деп күтілуде.

Сонымен қатар синоптиктердің болжамынша, республика бойынша тұман түсіп, бұрқасын болып, желдің күшеюі 15-28 м/с-ке дейін жетуі ықтимал.

26 желтоқсанда солтүстік өңірлерде өте қатты жел тұрады. Жел екпіні 30 м/с және одан асуу мүмкін деп болжануда.

Мамандар еліміздегі ауа температурасында күрт өзгерістер болмайтынын еске салды.