Жаңа жыл мерекесіне орай ХҚКО-лар қалай жұмыс істейді
Опубликовано:
Жаңа жыл мерекесіне орай Халыққа қызмет көрсету орталықтары 1-2 қаңтарда жұмыс істемейді. Бұл туралы KAZ.NUR.KZ "Азаматтарға арналған үкімет" мемлекеттік корпорациясының ресми сайтына сілтеме жасап хабарлайды.
Мемлекеттік корпорацияның мәліметінше, ХҚКО-лар 3 қаңтардан бастап әдеттегі кесте бойынша жұмыс істейді.
"Азаматтарға арналған үкімет" МК өкілдері орталықтар азаматтарды жұмыс күндері сағат 9:00-18:00 аралығында қабылдайтынын еске салды. Сондай-ақ кезекші ХҚО-лар дүйсенбі мен жұма аралығында 9:00-ден 20:00-ге дейін және сенбі күндері сағат 9:00-ден 13:00-ге дейін жұмыс істейді.
"Мемлекеттік корпорация сіздерді келе жатқан Жаңа жыл мерекесімен құттықтай отырып, бақыт пен молшылық тілейді", - делінген хабарламада.
Мақаланың түпнұсқасы: https://kaz.nur.kz/society/2053017-zana-zyl-merekesine-orai-xqko-lar-qalai-zumys-isteidi/