2024 жылдың алғашқы күнінде еліміздің басым бөлігінде дауылдық ескерту жарияланды

Синоптиктер ауа райының қолайсыздығына байланысты 1 қаңтарда бірқатар өңірде дауылдық ескерту жариялады. Бұл туралы KAZ.NUR.KZ тілшісі "Қазгидромет" РМК сайтына сілтеме жасап хабарлайды.

Метеорологтардың мәліметінше, 1 қаңтарда Ұлытау облысының солтүстігінде бұрқасын, жел күтіледі. Облыстың солтүстігінде желдің екпіні 15-20 м/с-қа дейін жетуі мүмкін.

1 қаңтарда Қарағанды облысының батысында, солтүстігінде және Қарағанды қаласында бұрқасын, көктайғақ, түнде және таңертең облыстың оңтүстік-шығысында тұман күтіледі. Сондай-ақ өңірде жел тұрып, солтүстікте екпіні 15-20 м/с болуы ықтимал.

1 қаңтарда Астана қаласында бұрқасын, көктайғақ, жел (екпіні 15-20 м/с) күтіледі.

1 қаңтарда Атырау облысында және Атырау қаласында оңтүстік-батыстан, батыстан жел соғады, күндіз облыстың оңтүстігінде, солтүстігінде екпіні 15-20 м/с, Атырау қаласында күндіз екпіні 15-18 м/с.

1 қаңтарда Ақтөбе облысының батысында, солтүстігінде және Ақтөбе қаласында көктайғақ, бұрқасын, жел күтіледі. Облыстың батысында, солтүстігінде екпіні 15-20 м/с, Ақтөбе қаласында түнде екпіні 15 м/с.

1 қаңтарда Ақмола облысының басым бөлігінде және Көкшетау қаласында бұрқасын, көктайғақ, жел күтіледі. Желдің екпіні аймақта 15-20, кей уақыттарда 23-28 м/с-қа, Көкшетау қаласында 23 м/с-қа дейін жетуі ықтимал.

1 қаңтарда күндіз Павлодар қаласында және Павлодар облысының солтүстігінде, шығысында бұрқасын, көктайғақ, жел күтіледі. Облыстың басым бөлігінде желдің екпіні 15-20 м/с.

1 қантарда Солтүстік Қазақстан облысының басым бөлігінде түнде қар, күндіз жауын-шашын (жаңбыр, қар), бұрқасын, түнде облыстың оңтүстік-батысында, батысында, күндіз облыстың басым бөлігінде көктайғақ, жел күтіледі. Түнде облыстың оңтүстік-батысында, батысында желдің күші 15-20, 25 м/с, күндіз облыстың басым бөлігінде 15-20, облыстың оңтүстігінде 23-28 м/с.

Петропавл қаласында да 1 қаңтарда бұрқасын, күндіз көктайғақ, жел (күндіз желдің күші 15-20 м/с) күтіледі.

1 қаңтарда Батыс Қазақстан облысының батысында, солтүстігінде, шығысында және Орал қаласында бұрқасын, көктайғақ, жел күтіледі. Күндіз облыстың батысында, солтүстігінде, оңтүстігінде желдің екпіні 15-20 м/с, Орал қаласында күндіз екпіні 18 м/с.

1 қаңтарда Жамбыл облысының таулы аудандарында және Тараз қаласында тұман, сонымен қатар өңірде жел күтіледі. Облыстың оңтүстік-батысында, таулы аудандарында желдің екпіні 15-20 м/с.

1 қаңтарда түнде Семей қаласында түнде және таңертең Абай облысының солтүстігінде, шығысында, оңтүстігінде бұрқасын, көктайғақ, жел күтіледі. Облыстың батысында, солтүстігінде, орталығында желдің екпіні 15-20, 23 м/с.

1 қаңтарда түнде және таңертең Өскемен қаласында, түнде Шығыс Қазақстан облысының басым бөлігінде, күндіз облыстың солтүстігінде, шығысында бұрқасын, көктайғақ, жел күтіледі. Облыстың солтүстігінде, шығысында, оңтүстігінде желдің екпіні 15-20, 23 м/с.

1 қаңтарда Қостанай қаласында және Қостанай облысының басым бөлігінде бұрқасын, көктайғақ, облыстың оңтүстігінде, шығысында тұман күтіледі. Облыстың батысында, солтүстігінде, шығысында желдің екпіні 15-20 м/с, кей уақыттарда 25 м/с, Қостанай қаласында желдің күші 9-14, екпіні 15-20 м/с.

1 қаңтарда түнде және таңертең Маңғыстау облысының солтүстік-шығысында көктайғақ, облыстың батысында, солтүстік-шығысында, орталығында және Ақтау қаласында (түнде және таңертең) тұман күтіледі.

1 қаңтарда Түркістан облысының оңтүстігінде, таулы және тау бөктерлі аудандарында тұман, жел күтіледі. Таңертең және күндіз облыстың тау асуларында желдің күші 15-20 м/с.

1 қаңтарда кей уақытта Шымкент қаласында да тұман күтіледі.