Алматыда қай жерде конькимен тегін сырғанауға болады

Алматыда тегін сегіз мұз айдыны ашылды, тағы төртеуі қаңтар айында іске қосылады деп күтіледі. Бұл туралы Алматы әкімдігі Telegram арнасында хабарлады.

"Ауа райының жылы болуына байланысты мұз айдындары мұздың дайын болғанына қарай ашылады. Кіру тегін. Конькиді сол жерден жалға алуға болады, жалға алу құны 1000 (2 сағат) теңге. Өзіңіздің конькиіңізбен сырғанау толықтай тегін", - делінген хабарламада.

Ведомство ақпаратынша, жалға беру пункттері жұмыс күндері 10:00-ден 22:00-ге дейін және демалыс күндері 10:00-ден 23:00-ге дейін жұмыс істейді. Ал мұз айдындары тәулік бойы ашық болады.

Тегін мұз айдындарының мекенжайы:

• Республика сарайының алдында;
• 28 панфиловшылар саябағы;
• Тұңғыш президент саябағы;
• Орталық стадион;
• М.Әуезов атындағы театр;
• Н.Сац атындағы театр;
• "Гүлдер" саябағы;
• №6 оқушылар үйі.

Мұз айдыны ашылатын жерлер:

• Шухов көшесіндегі саябақ;
• "Авиатор" стадионы;
• Наурызбай ауданы әкімдігінің аумағы;
• Абай атындағы ҰОБТ.