Қазақстанда 1-сынып оқушылары қыста екі рет каникулға шығады
Опубликовано:
![Мұғалім мен оқушы Мұғалім мен оқушы](https://cdn.nur.kz/images/1120x630/eccbacfe80c855bc.jpeg)
Алдағы дүйсенбіде қазақстандық оқушылар сабаққа оралады. Келесі каникул наурыздың аяғында болады. 1-сынып оқушылары қыста екі рет каникулға шыға алады, деп хабарлайды Оқу-ағарту министрлігінің баспасөз қызметі.
Оқу-ағарту министрлігі орта білім беру ұйымдарында 2023-2024 оқу жылының басталу мерзімін, ұзақтығын және каникул кезеңдерін бекітті.
Орта білім беру ұйымдарында 2023-2024 оқу жылы 1 қыркүйекте басталды, 25 мамырда аяқталады.
![Оқушылардың каникул кестесі Оқушылардың каникул кестесі](https://cdn.nur.kz/images/1120/3acbfbc2b16685e6.jpeg)
Бірінші тоқсанда оқу уақыты - 8 апта, күзгі каникул 30 қазаннан 5 қарашаны қоса алғанда 7 күнге созылды.
Екінші тоқсанда 8 оқу аптасы, қысқы каникул 2023 жылдың 29 желтоқсанында басталады, 2024 жылдың 7 қаңтарын қоса алғанда күнтізбелік 10 күнге жалғасты. Үшінші тоқсан 10 оқу аптасынан тұрады. 11 күндік көктемгі каникул 2024 жылдың 21 наурызында басталып, 31 наурызға (қоса алғанда) дейін жалғасады.
![Оқушылардың демалыс кестесі Оқушылардың демалыс кестесі](https://cdn.nur.kz/images/1120/cbc602cdc51ecddd.jpeg)
"Айта кетейік, жыл сайын бірінші сынып оқушыларына үшінші тоқсанда қосымша демалыстар беріледі, ұзақтығы 7 күн – 2024 жылдың 5 ақпанынан 11 ақпанға (қоса алғанда) дейінгі уақытты қамтиды. Төртінші тоқсанның ұзақтығы 8 оқу аптасын құрайды. Сондай-ақ 25 мамырда қорытынды шығарылып, оқу жылы аяқталады", - делінген хабарда.
Мақаланың түпнұсқасы: https://kaz.nur.kz/society/2053912-qazaqstanda-1-synyp-oqusylary-qysta-eki-ret-kanikulga-sygady/