Синоптиктер бүгін Қазақстан мегаполистерінің бірінде қатты аяз болып, бірінде жаңбыр жауады деп болжады

Синоптиктер Астана, Алматы мен Шымкентте 9 қаңтарда ауа райы қандай болатынын болжады. Ауа райы болжамын OpenWeather порталы жария етті, деп хабарлайды KAZ.NUR.KZ.

Метеорологтардың мәліметінше, бүгін Алматыда жаңбыр жауады. Күндіз ауа температурасы 7 градусқа дейін көтеріліп, түнде -2 градусқа дейін төмендейді. Желдің жылдамдығы – 2,8 м/с.

Сейсенбіде Астанада күн ақша бұлтты болады. Күндіз ауа температурасы -14 градусқа дейін жетіп, түнде -24 градусқа дейін төмендейді. Желдің жылдамдығы – 7,9 м/с.

Шымкентте де бүгін күн ала бұлтты болады деп күтілуде. Күндіз термометр бағаны 12 градусқа дейін көтеріліп, түнде 2 градусқа дейін түседі. Желдің жылдамдығы 3,6 м/с деңгейінде болмақ.