Қазақстан армиясы әскери күші жағынан әлемдік рейтингте қай орында тұр

Әскери күш деңгейі бойынша елдердің жыл сайынғы рейтингі жарияланды - Қазақстан 58-орында. Рейтингіге әлемнің 145 мемлекеті кірді. Қазақстан армиясы Орталық Азия елдері арасында үздік атанып отыр.

Рейтинг Global FirePower Index сайтында жарияланды. Әр елдің әскери күш индексін (PwrIndx) есептеу 60 түрлі көрсеткіш бойынша жүреді, олардың арасында логистика, география, қаржыландыру және басқа да көрсеткіштер ескеріледі.

Елдің индексі нөлге неғұрлым жақын болса, оның әскери күші соғұрлым жоғары болады. Осылайша Қазақстан осы рейтингте 58-орынға ие болды – Қазақстан армиясы Орталық Азия елдері арасында үздік атанды.

Өңірдегі қалған елдер төменде орналасқан. Қазақстан рейтингте көтерілгені айтылады - 2022 жылы қазақстандық армия 64-орында, былтыр 63-орында болған.

Әскери күшінің ең жоғары көрсеткіштері бар елдер АҚШ, Ресей және Қытай болды, ал рейтингтің соңғы орнын Бутан алады.

Мәтіннен қате тапсаңыз, бізге жазыңыз