Елімізде ауа райы нашарлауына байланысты республикалық маңызы бар жол учаскесі жабылды

Бүгін ауа райы нашарлауына байланысты республикалық маңызы бар "Астана-Щучинск" учаскесі барлық автокөлік түріне жабық. Бұл туралы KAZ.NUR.KZ хабарлайды.

Астана қаласы Төтенше жағдайлар департаментінің шұғыл ақпаратты жедел жеткізу Telegram арнасы мәліметіне сүйенсек, қаңтардың 14-і сағат 04:00-де ауа райы нашарлауына байланысты Астана-Петропавловск (18-234 шақырым) аралығындағы республикалық маңызы бар "Астана-Щучинск" учаскесінде барлық автокөлік түрі үшін жол жабылды.

Ведомство ақпараты бойынша, қар, екпінді жел, жаяу бұрқасын күтіледі. Сондай-ақ тасжолдағы жолдың көріну деңгейі – 50 метр.

Еске салайық, бұған дейін қолайсыз ауа райына байланысты Қазақстанның бірқатар өңірінде жолдарды жабу я шектеу шаралары жалғасып жатқаны туралы хабарланған болатын.

Сондай-ақ демалыс күндері Қазақстанда ауа райы қандай болатынын жазған едік.