"Алдағы аптада жол жүрмекпін": Нұрлан имам АҚШ президенті Джо Байденнен шақырту алды

Белгілі имам Нұрлан Байжігітұлы алдағы күндері АҚШ-қа жол жүрмек. Нұрлан имам АҚШ президентінің қайырымдылық асына шақырту алған, деп хабарлайды KAZ.NUR.KZ тілшісі.

Бұл туралы журналист Дана Нұржігіт Instagram-дағы парақшасында айтты.

"Америка құрама штаттарының президенті Джо Байден және оған дейінгі президенттер әр мемлекеттен танымал тұлғалар және мемлекет басшыларына жылда ас беріп, дәм татқызады. Бұл қайырымдылық ас. Сондықтан біздің елден таңдау маған түсіп тұр екен. Мемлекетіміздің мүддесін, президентіміз жасап жатқан ішкі және сыртқы саясатын жеткізу, сонымен қатар, біздің руханиятымызды кеңейту, паш ету, қазақ тарихының кең екенін көрсету үшін осы сапарға ниет білдіріп отырмыз", - дейді Нұрлан имам.

Имам алдағы аптада жол жүрмек.

АҚШ президенті шақырту алған қонақтарға үш рет дастархан жаймақ. Имам соның үшеуіне де қатысатынын айтады.

Мәтіннен қате тапсаңыз, бізге жазыңыз