Павлодар облысында адамдар мінген автобустың жер астына құлаған сәті түсірілген видео пайда болды

Майқайың кенішінде автобустың жер астына құлаған сәті түсірілген видео пайда болды. Видео әлеуметтік желіде таралып кеткен, деп хабарлайды Pavlodarnews.kz.

Видеода Майқайың кеніші шахтасының маңында автобустың тазарту кеңістігіне құлаған сәті айқын көрінеді. Видеоның бұл оқиғаға қатысы барын "Майқайың-алтын" АҚ шахта басшылығы растады.

Карьерге құлаған автобус оқиғасы

Еске салайық, Павлодар облысында 4 қаңтарға қараған түні Майқайың кеніші шахтасының жанында автобус карьерге құлап кетіп, екі адам қаза тапқан еді. Олардың денесі жер бетіне шығарылды.

Облыс әкімі Асайын Байхановтың айтуынша, автобуста 4 адам болған - Кәсіби әскерилендірілген авариялық-құтқару қызметтерінің республикалық орталық штабының Павлодар филиалының 3 қызметкері мен автобус жүргізушісі.

5 қаңтарда Асайын Байханов оқиға орнынан видео жариялады.

Павлодар облыстық полициясы "Майқайыңалтын" АҚ аумағындағы апатқа қатысты тергеуді бастады. Кейін Павлодар облысы төтенше жағдайлар департаменті автобус құлап кеткен "Майқайыңналтын" АҚ аумағында жүргізіліп жатқан іздеу-құтқару жұмыстарының барысы туралы баяндады.

Кейін Павлодар облысындағы автобус құлап кеткен "Майқайыңалтын" АҚ аумағына қазуға арналған техника жеткізілгенін жазған едік.