БҚО-да республикалық маңызы бар жолдардың бірқатар учаскесінде көлік қозғалысы шектелді

Батыс Қазақстан облысында республикалық маңызы бар автожолдардың бірнеше учаскесінде көлік қозғалысына шектеу енгізілді, деп хабарлайды "ҚазАвтоЖол" Telegram-дағы ресми арнасында.

"ҚазАвтоЖол" ақпараты бойынша, Батыс Қазақстан облысында республикалық маңызы бар автожолдардың мынадай 7 учаскесінде автокөлік қозғалысына шектеу енгізілді:

• "Орал-Тасқала-РФ шек." 4-104 шақырым, Орал-РФ шекарасы – 100 шақырым;
• "Самара-Шымкент" 195-251 шақырым, РФ шекарасы-Орал – 56 шақырым;
• "Самара-Шымкент" 261-393 шақырым, Подстепное-Жымпиты кенті – 132 шақырым;
• "Атырау-Орал" 189-492 шақырым, Атырау обл. шек-Орал – 303 шақырым;
• "Орал-Теплое" 5-33 км, Орал-РФ шек. – 28 шақырым;
• "Подстепное-Федоровка-РФ шек." – 0-36 шақырым, Подстепное кенті-Федоровка ауылы – 36 шақырым;
• "Жайық өзені арқылы өтетін көпір өткелі" – 0-14 шақырым, Подстепное кенті-Құс фабрикасы – 14 шақырым.

Бұрқасын, шектеулі көрініс салдарынан шектеу автокөліктің барлық түрі үшін қолданылады.

Қазіргі таңда республикалық маңызы бар автожолдарды күтіп-ұстауға 765 бірлік техника мен 1452 адам жұмылдырылды.

Еске салайық, бүгін синоптиктер 18-20 қаңтар аралығында Қазақстанда аяз біртіндеп әлсірейтіні туралы болжағанын жазған едік. Бірақ еліміздің кейбір бөліктерінде әлі де қар жауады.

Мәтіннен қате тапсаңыз, бізге жазыңыз