Алматыдағы ірі апат: билік автобус салондарында жүргізушіні қорғайтын қабырға орнатуды ұйғарды

Алматы әкімдігінің өкілдері қоғамдық көлік жүргізушілерінің қауіпсіздігін қамтамасыз ету үшін қандай шаралар қабылданып жатқанын айтты, деп хабарлайды KAZ.NUR.KZ.

Әкімдік өкілдерінің хабарлауынша, Алматы автобустарында арнайы қоршау мен дабыл түймесі пайда болуы мүмкін. Мұндай шаралар жақында болған оқиғадан кейін қабылданады: оқиға кезінде жолаушы жүргізуші шабуыл жасап, арты апатқа әкеп соққан еді.

"Жүргізушілер мен жолаушылар арасындағы арақабырғаны қамтамасыз етіп жатырмыз. Сондай-ақ дабыл түймесін орнату туралы ұсыныс алдық. Қазір техникалық мүмкіндіктер қарастырылуда: егер болашақта мұны істеуге мүмкіндік болса, әрине, жасаймыз", - деді қалалық мобильділік басқармасының басшысы Сағындық Телібаев.

Алматыдағы автобус апаты

Еске салайық, 22 желтоқсанда Алматыда №7 аурухана маңында автобус аялдамада тұрған бір топ адамды қағып өткені хабарланған еді. Кейін қалалық ПД өкілдері оқиғаның жай-жапсарын айтты.

Оқиғадан 7 адам зардап шекті, олардың үшеуі жедел жәрдем келгенше оқиға орнында қаза болды. Төрт адам ауруханаға жатқызылды. Олардың ішінде 15 жастағы бала бар.

Бұл оқиғадан соң шабуыл жасады деген күдікті ұсталып, кейін 2 айға қамауға алынды.

Жақында үш пациенттің қажетті емдеу курсынан өтіп, ауруханадан шыққаны белгілі болды.