Демалыс күндері Қазақстанда ауа райы қандай болады

Синоптиктер 3-5 ақпанға арналған ауа райы болжамын ұсынды. Бұл туралы KAZ.NUR.KZ "Қазгидромет" РМК баспасөз қызметіне сілтеме жасап хабарлайды.

Метеорологтардың мәліметінше, алдағы күндері еліміздің басым бөлігінде күн бұлтты және әрі жауын-шашынды болады. Сондай-ақ бұрқасын, екпінді жел тұрып, көктайғақ болады.

Әзірге тек оңтүстік аймақтар антициклонның ықпалында болмақ, яғни мұнда негізінен жауын-шашынсыз ауа райы сақталады. Сонымен қатар бұл атлантикалық циклон республиканың барлық аумағында температураның біртіндеп жоғарылауына себеп болады.

Мәтіннен қате тапсаңыз, бізге жазыңыз