Елімізде қай өңірдің тұрғындары басқаларға қарағанда ұзағырақ өмір сүреді

2023 жылғы өмір сүру ұзақтығының көрсеткіші бойынша Астана көш бастады. Бұл туралы елорда әкімдігінің баспасөз қызметіне сілтеме жасаған KAZ.NUR.KZ хабарлайды.

Астана әкімдігі баспасөз қызметінің Telegram арнасында жариялаған мәліметіне сүйенсек, елорда бойынша 2023 жылғы өмір сүру ұзақтығының көрсеткіші еліміз бойынша ең жоғары, яғни 77,3 жыл болды.

Бұл жөнінде Астана қаласы қоғамдық денсаулық сақтау басқармасының басшысы Әлия Рүстемова Денсаулық сақтау вице-министрі Тимур Сұлтанғазиев пен Астана әкімінің орынбасары Евгений Глотовтың қатысуымен өткен қорытынды алқада айтты.

Басқарма басшысының сөзінше, қабылданып жатқан шаралардың арқасында елордада негізгі медициналық-демографиялық көрсеткіштер жақсарған: жалпы өлім-жітімнің 4,5 пайызға төмендегені байқалады.

Бұл ретте Әлия Рүстемова бірқатар мәселе бар екенін атап өтті. Мәселен, бүгінгі таңда қолданыстағы денсаулық сақтау инфрақұрылымы саны жағынан өсіп келе жатқан жұртшылықтың қажеттіліктерін қанағаттандырмайды. Жағдайды жақсарту үшін алдағы жылдарға 14 денсаулық сақтау нысанын салу жоспарланған.

Ол қол жеткізілген жетістіктермен қатар дереу шешуді талап ететін міндеттер де бар екенін айтты.

Мәтіннен қате тапсаңыз, бізге жазыңыз